$$ حكاية الربع جنيه $$

مرة واحد كان معاه ربع جنيه..

ففكر يعمل بيه إيه.. !؟


يشرب عصير قصب و لا يركب الأتوبيس

@@@@@@@@@@@@@@@

فقال :

أنا لو ركبت الأتوبيس هيبقي في حل من إثنين:
&
يإما هقف أو هقعد ..

لو وقفت مش هيبقي في أي مشكلة

لكن لو قعدت هيبقي في حل من إثنين:
&
يإما هيقعد جنبي راجل أو تقعد جنبي ست

لو قعد جنبي راجل مفيش مشكلة

لكن لو قعدت جنبي ست هيبقي في حل من إثنين:
&
يا اما هنعجب ببعض يا إما مش هنعجب ببعض

لو ماعجبناش ببعض مفيش مشكلة

لكن لو عجبنا بعض هيبقي في حل من إثنين:
&
يا اما هنتجوز يا اما مش هنتجوز

لو متجوزناش مفيش مشكلة

لكن لو إتجوزنا هيبقي في حل من إثنين:
&
يا اما هنختلف يا اما مش هنختلف

لو مختلفناش مفيش مشكلة

لكن لو اختلفنا هيبقي في حل من إثنين :
&
يا اما هنخلف ولد أو بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين:

يا اما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين:
&
يا اما يدمن أو مش هيدمن

لو ما ادمنش مفيش مشكلة

لكن لو أدمن هيبقي في حل من إثنين:
&
يا اما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين:
&
يا اما هيسرقني أو هيقتلني

لو سرقني مفيش مشكلة لكن لو قتلني ..





يقتلني ؟؟!!!!!!!!!






















لا ياعم أنا أشرب عصير قصب أحسن