لانشون بالفراخ

النهارده عندي طريقة لعمل اللانشون بطعم الفراخ من غير فراخ
ونفس الطعم للجاهز بالضبط


المقادير

3 مثلثات جبنة(كيري او بريزيدون او لافاشكيري او اي نوع)
3مكعبات مرقة دجاج(ممكن يبقو اتنين لو مش عايزاها مالحة اوي)
3فصوص ثوم
3حبهان
3بيضات
3 ملاعق ك دقيق
نص كوبايه زيت
ولون طبيعي احمر(من عند العطار) بمقدار حباية فلفل اسود او مثل راس الدبوس فقط



الطريقه

1) تضعي كل المكونات في الخلاط
بس خدي بالك تفركي مرقه الدجاج بايدك الاول
وكمان خدي بالك ان اللون الطبيعي يبقي بمقدار راس الدبوس بس عشان مايبقاش غامق اووي
ويبقي لونه فاتح زي الجاهز بالضبط

2) تضعي المقدار في كوبين ستانلس مدهونين بالزيت (المقدار هايعمل كوب ونص)
وخدي بالك ان الخليط بيرتفع يعني تتركي مسافة قليله في الكوب
وان لم يكن لديك كوب ستانلس يبقي في اي كوب يتحمل الحراره

3) تضعي الاكواب في حله بها ماء (مثل طريقه الكريم كراميل) لكن تغطي الحلة
وتترك تغلي لمده ساعة الاربع

4) اقلبي الكوب في طبق وممكن تدوري بالسكينة حول اللانشون عشان يسهل نزوله
واخيرا قطعيه شرائح وتمتعي بطعم اللانشون الطبيعي اللذيذ والامن




اما لو معندكيش مشاكل فى شراء الفراخ فدى طريقة تعملى بيها اللنشون بالفراخ :

صدور الفراخ تفرم إلي ان تصبح ناعمة
ملح - فلفل
زيتون اخضر او اسمر حسب الرغبه
علي كل كوب فراخ 2 ملعقة كريمة
تلف في ورقة فويل علي هيئة اسطوانه
ثم توضع في مرقة او تدخل الفرن إلي ان تستوي
ثم تخرج وتترك لتبرد
ثم تقطع دوائر